हामी सबैकाे संसारन्यूज

१ माघ, काठमाडौं । होल्स्टिन किएलसँग पेनाल्टी सुटआउटमा पराजित हुदै साविक विजेता बार्यन म्युनिख डीएफबी पोकल (जर्मन कप)को दोस्रो चरणबाटै बाहिरिएको छ ।

निर्धारित ९० मिनेटको खेल २-२ को बराबरीमा रोकिएपछि थप गरिएको ३० मिनेटमा पनि खेल बराबरीमानै रोकिदा खेल पेनाल्टी सुटआउटमा पुगेको थियो । ९० मिनेटको खेलको १४औं मिनेटमा सर्ज नाब्रीले गोल गर्दै बार्यनलाई अग्रता दिलाएका थिए । पहिलो हाफकै ३७औं मिनेटमा किएलका फिन बार्टेल्सले गोल गर्दै होल्स्टिनलाई खेलमा फर्काएका थिए । तर, पहिलो हाफको इन्जुरी समयको ४८ औं मिनेटमा लेराेय सानेले गोल गर्दै बार्यनलाई २-१ को अग्रता दिलाए ।

पहिलो हाफमा पछिपरेकाे होल्स्टिनका लागि दोस्रो हाफको इन्जुरी समयमा हउके वालले गोल गर्दै खेल २-२ को बराबरीमा पुराए । पछि थप गरिएको ३० मिनेटमा कुनै पनि टोलीले गोल गर्ननसक्दा खेल पेनाल्टी सुटआउटमा पुगेको थियो । पेनाल्टी सुटआउटमा ६-५ ले बार्यनलाई पराजित गर्दै दोस्रो श्रेणीको क्लब होल्स्टिन किएलले जर्मन कपको तेस्रो चरणमा प्रबेश पाएको छ ।

पेनाल्टी सुटआउटमा बार्यनका रोबर्ट लेवान्डोस्की, जोसुवा किमिच, थोमस मुलर, डेभिड अलवा र डुगलस कोस्टाले गोल गर्दा छैटौ नम्बरमा पेनाल्टी प्रहार गर्न आएका मार्क रोका गोल गर्नबाट चुक्दा प्रतियोगिताबाट बाहिरीएको हो ।