हामी सबैकाे संसारन्यूज

१ माघ, काठमाडौं । एयरलाइन्स कम्पनीहरुले उडान सुचारु गरेपनि हाल यात्रु संख्यामा भने निकै कमी आएको छ । कोभिड-१९ का कारण लामो समय ग्राउण्डेड भएका एयरलाइन्स कम्पनीकाे जहाजहरुले उडान अनुमति पाएसँगै केहि रातहुने अनुमान गरेका थिए । तर, यात्रुहरुले यात्रा गर्नै छाडेपछिभने उनीहरु निरासिएका छन् ।

सन् २०१९ को तुलनामा २०२० मा हवाइयाात्रा गर्ने यात्रु संख्यामा उल्लेख्य गिरावट आएको छ । अन्तराष्ट्रिय तर्फ सन् २०१९ मा ४१ लख ३८ हजार ५६३ यात्रुले यात्रा गरेकोमा २०२० मा १९ लाख ५ हजार ३२६ जना यात्रुले मात्र यात्रा गरेका छन् । तुलनात्मक रुपमा पछिल्लो वर्ष अघिल्लो वर्षको तुलनामा ७४ प्रतिशतले यात्रुको संख्यामा गिरावट आएको हो ।

आन्तरीक उडान तर्फपनि २०१९ मा ३१ लाख ६७ हजार ३६ यात्रुले यात्रा गरेकोमा २०२० मा १४ लाख ५७ हजार ५३९ जना यात्रुले मात्र यात्रा गरेका छन् । अघिल्लो वर्षको तुलनामा पछिल्लो वर्ष ५५ प्रतिशगले यात्रु संख्यामा कमि आएको देखिन्छ ।

कुन एयरलाइन्सले कति यात्रु पाए ?
नेपालबाट अन्तराष्ट्रिय उडान भर्ने तीन ठुला अन्तराष्ट्रिय एयरलाइन्समध्ये नेपाल वायुसेवा निगतले सबैभन्दा बढि यात्रु पाएको छ । नेवानीले सन् २०१९ मा ७ लाख ३५ हजार यात्रुलाई यात्रा गराएकोमा २०२० मा २ लाख ७३ हजार यात्रुलाई मात्र यात्रा गराएको छ ।

नेपाली हवाइक्षेत्रमा दोस्रो ठुलो हिस्सा वगटेको कतार एयरलाइन्सले २०१९ मा ४ लाख ६२ हजार यात्रु पाएकोमा २०२० मा १ लाख ७५ हजार यात्रुलाइ मात्र यात्रा गराएको छ । त्यस्तै, अर्को ठुलो वायुसेवा कम्पनी फ्लाई दुबाईले २०१९ मा २ लाख ७४ हजार यात्रुलाइ यात्रा गराएकोमा २०२० मा ७२ लाख यात्रुलाई मात्र यात्रा गराएको छ ।

आन्तरिक एयरलाइन्सको अवस्था पनि उस्तै
आन्तारिक हवाइक्षेत्रमा वर्चस्व जमाएको वुद्ध एयरमा सन् २०१९ मा १५ लाख ९१ हजार यात्रुले यात्रा गरेका थिए । २०२० मा भने ७ लाख ६५ हजार यात्रुले मात्रयात्रा गरेका छन् । वुद्ध पछि यति एयरबाट २०१९ मा ८ लाख ३३ हजार यात्रुले यात्रा गरेका थिएभने २०२० मा ३ लाख ८० हजार यात्रुले मात्रयात्रा गरेका छन् । त्यस्तै, श्री एयसलाइन्सबाट २०१९ मा ४ लाख ७५ हजार यात्रुले यात्रा गरेका थिएभने २०२० मा २ लाख ३० हजार यात्रुले मात्रयात्रा गरेका छन् ।

समग्रमा अन्तराष्ट्रिय वायुसेवा कम्पनीहरुको यात्रु संख्यामा ७४ प्रतिशत भन्दाबढीले कमी आएकोमा आन्तरीक उडान गर्फ ५५ प्रतिशग भन्दा बढीले यात्रु संख्यामा कमी आएको छ ।