हामी सबैकाे संसारन्यूज

१ माघ, काठमाडौं। नेपाल कम्युनिष्ट पार्टी (नेकपा) ओली समूहका नेता महेश बस्नेतले प्रदेश सरकारको हालको अधिकार क्षेत्रलाई पुनरबिचार गर्नुपर्ने धारणा राखेका छन् । उनले हाल रहेको प्रकृयालाई परीमार्जन गरि स्थानिय सरकारका प्रतिनिधिहरुले प्रदेश सरकार निर्माणमा भुमिका खेल्न सक्ने व्यवस्था  गर्नुपर्ने धारण राखे।

उनले हाल नेपालमा रहेको तीन तहको सरकारमध्ये केन्द्र र स्थानीय तहको काम प्रभावकारी बनेपनि प्रदेश सरकारको काममा प्रभावकारीता नदेखिएकाले यो व्यवस्थाको पुनरमुल्याङकन गर्नुपर्ने बताएका हुन् । उनले भने,‘स्थानीय तहका प्रमुख र उपप्रमुखलाई प्रदेशसभा सदस्यको मान्यता दिऔं र उहाँहरुबाट निर्वाचित प्रदेश सभाबाट एउटा सरकार बनाऔं ।’

उनले प्रदेश सरकार भनेको केन्द्र र स्थानिय निकायको समन्वयनकारी भुमिका निर्वाह गर्ने निकायको रुपमा मात्र राख्नुपर्ने धारण समेत राखेका थिए । उनले भने, ‘त्यसरी बन्ने सरकारले संघीय सरकार र स्थानीय तहको बजेटमा समन्वय गर्ने, स्थानीय तहका कामको मनिटरिङ तथा विकासको पहल गरोस् ।’

साथै उनले अबको एजेण्डाको रुपमा प्रत्यक्ष निर्वाचित कार्यकारी प्रधानमन्त्रीको व्यवस्था हुन पर्ने र दुई पटकभन्दा बढी प्रधानमन्त्री बन्न नपाउने व्यवस्था ल्याउन पर्ने आवसेकता रहेको पनि बताए ।