हामी सबैकाे संसारन्यूज

माघ ३, गते काठमाडौं । नेपाली कांग्रेसका सभापति शेरबहादुर देउवाले संसद विघटन गर्ने प्रधानमन्त्री केपी शर्मा ओली निर्णयविरुद्व आव्हान गरिएको प्रदर्शनमा सक्रिय सहभागी हुन अपिल गरेका छन् । शुक्रबार एक प्रेस विज्ञप्ती सार्वजनिक गर्दै उनले कांग्रेस सम्बद्ध सबै नेता तथा कार्यकर्ता र सुभेच्छुकलाई आन्दोलनमा सहभागीताको लागि अपिल गरेका हुन् ।

‘संसद विघटनको कार्यलाई हामीले असंवैधानिक र अलोकतान्त्रिक ठहर गरेका छौं, संविधानमा भएको ब्यवस्था प्रतिकुल, जनभावना विपरीतको कार्य विरुद्ध नेपाली कांग्रेस एकमतका साथ उभिएको छ, पार्टीको सबै तहका साथीहरू संगै समस्त लोकतन्त्रवादीमा विरोध प्रदर्शनमा व्यापक सहभागी भएर असंवैधानिक र अलोकतान्त्रिक कदमका विरुद्ध ऐक्यवद्धता प्रकट गर्न अपील गर्दछु’, देउवाले विज्ञप्तीमार्फत भनेका छन् ।

कांग्रेसले माघ ३ गते (भोली) स्थानीय तह केन्द्रीत प्रदर्शन गर्दैछ । यसअघि कांग्रेसले पुस १३ मा संघीय निर्वाचन क्षेत्र र पुस २५ मा प्रदेशसभा निर्वाचन क्षेत्र केन्द्रीत प्रदर्शन गरिसकेको छ ।

प्रतिनिधि सभा विघटन गर्ने सरकारको निर्णयविरुद्व कांग्रेस निरन्तर आन्दोलनमा छ । तर, कांग्रेस विघटनविरुद्व आन्दोलनमा भएपनि निर्वाचनको घोषणामा भने सहमत देखिएको छ ।

यस्तो छ देउवाले सार्वजनिक गरेको अपिल