हामी सबैकाे संसारन्यूज

२ माघ, कलैया । कोरोना जोखिम भत्ता र अस्पताल सेवा सुधारको माग गर्दै शान्तिपूर्ण धर्ना कार्यक्रममा सहभागी स्वास्थ्यकर्मीहरुले आफूहरुको मागको सम्बोधन भएको भन्दै थप आन्दोलनका कार्यक्रम सार्वजनिक गरेका छन् ।

कलैया अस्पतालमा कोरोना जोखिम भत्ता र अस्पताल सेवा सुधारको माग गर्दै पुष २८ गते देखि धर्नामा बस्दै आएका उनीहरुले सरकारका तर्फबाट कुनै सम्बोधन नभएपछि पुनः विज्ञप्ति जारी गर्दै थप आन्दोलनका कार्यक्रम सार्वजनिक गरेका हुन् ।

स्वास्थ्य जस्तो संवेदनशिल संस्थाको समस्यामा बेवास्ता गरिएको भन्दै चिसो मौसममा पनि बिरामीलाई सेवा दिनबाट आफूहरुलाई बञ्चित गराउन बाध्य पारिएको विज्ञप्तिमा उल्लेख छ ।

स्वास्थ्यकर्मीहरुको जायज र संवेदनशिल मागलाई बेवास्ता गरिनु खेदपूर्ण भएको जनाउँदै उनीहरुले शान्तिपूर्ण धर्नालाई अझ सशक्त बनाउन माघ ४ गते आइतबारदेखि माघ ११ गतेसम्म आन्दोलनका विभिन्न कार्यक्रम सार्वजनिक गरेका छन् ।

जसअनुसार माघ ४ गते देखि अस्पताल प्रशासन, प्रयोगशाला, ड्रेसिङ्ग, एक्सरे पूर्ण रुपमा बन्द गर्दै जाने, माघ ६ गते देखि Medico-Legal(postmortem शव परीक्षण जस्ता सेवाहरु बन्द गर्दै जाने र माघ ११ सम्म पनि माग सम्बोधन नभए आकस्मिक तथा प्रसुति र ARV (Anti Rabies Vaccine)सेवा पनि बन्द गर्ने र सम्पूर्ण अस्पतालको सेवा नै ठप्प गरी अनिश्चितकालिन धर्नामा बस्ने कार्यक्रम रहेको छ ।