Sansar News
२ माघ, काठमाडौँ । मेडिसिटि अस्पतालका वरिष्ठ अधिकृत रमेश (रोहिणी) भट्टराईको कोभिडका कारण निधन भएको छ ।
कोरोना संक्रमित भै निको भएका उनलाई निमोनिया देखिएको थियो । निमोनिया भएसँगै उनको दुई हप्ता भेन्टिलेटरमा राखेर उपचार भैरहेकोमा आज साँझ निधन भएको परिवारले बताएको छ । उपचारकै क्रममा मेडिसिटी अस्पतालमा निधन भएको हो ।
स्वास्थयकर्मी, व्यवसायी, कलाकार तथा समाजसेवी भट्टराईले ‘भुइँमान्छे’ भन्ने चलचित्र निर्माण समेत गरेका थिए ।
उनको कम्पनीले त्रिभुवन अन्तर्राष्ट्रिय विमानस्थलमा सरसफाइको काम गरिरहेको छ । कोभिडबाट बच्न सरसफाइलाई ध्यान दिनुपर्ने बताउने भट्टराईको कोभिडकै कारण निधन हुन पुगेको छ ।
वि.सं.२०७७ माघ २ शुक्रवार २२:०८ मा प्रकाशित
