हामी सबैकाे संसारन्यूज

२ माघ, काठमाडौँ । नेपाल कम्युनिष्ट पार्टी(नेकपा) दाहाल–नेपाल समूहले केपी ओलीलाई स्पष्टीकरण सोध्ने निर्णय गरेको छ ।

दाहाल नेपाल समूहको शुक्रबारको स्थायी कमिटी बैठकले ओलीलाई स्पष्टीकरण सोध्ने र महासचिव विष्णु पौडेललाई हटाउँदै पार्टी सदस्यतासमेत नरहने गरी कारबाही प्रक्रिया अगाडि बढाउने निर्णय गरेको स्थायी समिति सदस्य भिम रावलले जानकारी दिए ।

ओलिले पार्टी अनुशासन विपरित काम गर्न नछाडेकोले ‘पार्टीको नीतिविपरीत गतिविधि गर्दै गएकोमा तपाईंलाई किन कारबाही नगर्ने ? पार्टी सदस्यताबाट किन निस्कासन नगर्ने भनेर’ स्पष्टीकरण सोधिने नेतब रावले बताए ।

दाहाल–नेपाल समूहले पुस ७ को केन्द्रीय कमिटी बैठकले ओलीलाई पार्टी अध्यक्षबाट हटाएर माधवकुमार नेपाललाई ल्याएको छ । यद्यपि उनी केन्द्रिय सदस्यमा भने कायम थिए ।

सोही बैठकले माघ १६ गते काठमाडौंमा विशाल प्रदर्शन गर्ने निर्णय गरेको छ । शहीद दिवसको अवसर पारेर जनप्रदर्शन गर्ने निर्णय गरेको हो ।
त्यस्तै बैठकले प्रदेश–१ को अध्यक्षको जिम्मेवारी घनेन्द्र बस्नेतलाई दिएको छ । यस्तै, प्रदेश सहइन्चार्जको जिम्मेवारी जयन्ती राई, राजेन्द्र राई, पदम राई, पेशल खतिवडा र जगनाथ खतिवडालाई दिने निर्णय समेत गरेको छ ।

File pic