हामी सबैकाे संसारन्यूज

४ माघ, मगु । मुगु जिल्लामा नेकपाका अध्यक्ष प्रधानमन्त्री ओलीपक्षको गतिबिधि संचालन गर्नका लागि ओलीपक्षले आफ्नो १३ सदस्यीय छुट्टै पार्टी कार्यालय टिम गठन गरेको छ ।

मुगुमा नेकपा पार्टी जिल्ला कमिटीका अध्यक्ष सुकबीर बुढा र सचिव धर्मबहादुर शाही सहितको टिम माधव–प्रचण्ड पक्षमा लागेपछि ओलीपक्षधरले आफनो पार्टीको गतिबिधि संचालन गर्नको निम्ति प्रतिनिधिसभा सांसद मोहन बानियाँको प्रमुख अतिथिमा छुट्टै पार्टी कार्यालय टिम गरेका छन् ।

उक्त पार्टी कार्यालय संचालन टिममा डम्बर रावल संयोजक र लालबहादुर रावत, डिलबहादुर मल्ल, रुपबहादुर बुढा, परेकराज चौलागाईँ, हस्त बहादुर शाही, डबल रोकाया, बालचन्द बिक,अशोक लामबुमी,छिरिङ फुटी लामा, लालबहादुर मल्ल, बालकृष्ण लावड र लक्ष्मी चौलागार्इँ सदस्य रहने गरि पार्टी कार्यालय संचालन टिम गठन गरिएको हो ।

पार्टीको गतिबिधिलाई तिब्रता दिन र संगठन मजबुत बनाउने उद्धेश्यले पार्टी कार्यालय संचालन टिम गठन गरिएको संयोजक डम्बर रावलले जानकारी दिए ।
पार्टी कार्यालय टिम गठन गरि संगठन बिस्तार कार्यकर्ता भेटघाट अभियानलाई तिब्रता दिइएको रावलको भनाई छ ।

पार्टी संचालन कार्यालय टिमले राजु कार्की,मेरबहादुर बुढा, लालबहादुर रावल लगायतलाई बिशेष धन्यबाद दिएको छ । नेकपाका माधव–प्रचण्ड पक्षलाई त्यागेर ओलीपक्षमा लागेको भन्दै टिमले धन्यबाद दिएको हो ।