Sansar News
७ माघ, काठमाडौं । अघिल्लो दिन झिनो अंकले ओरालो लागेको सेयबजार (नेप्से) बुधबार भने लयमा फर्किएको छ । बुधबार सेयरबजार परिसूचक नेप्से १५.८७ अंकले बढेर २३४२.७६ बिन्दुमा पुगेको हो ।
आज कूल २११ कम्पनीका ६ अर्ब २१ करोढ ९ लाख ६६ हजार २६ रुपैंयाँ बराबरका १ करोड ५९ लाख ८१ हजार ९५२ कित्ता सेयर किनबेच भएको तथा तिनको कारोबारमा ५३ हजार ३३४ पटक लेनदेन भएको नेप्सेले जनाएको छ ।
आजको कारोबारमा बैंकिङ्, ब्यापार, होटल्स, उत्पादन मूलक र अन्य समूहको सूचक नकारात्मक देखियो भने विकास बैंक, जलबिद्युत, बित्त कम्पनी, निर्जीवन बीमा, लघुबित्त, जीवन बीमा र सामूहिक लगानी कोषको सूचक सकारात्मक देखियो ।
आज सबैभन्दा धेरै बीमा कम्पनी समूहका लगानीकर्ताले कमाएका छन् । जसमध्ये जीबन बीमा कम्पनीका लगानीकर्ताले सबैभन्दा धेरै ७२९.३७ अंकले कमाएका छ ,। त्यस्तै निर्जीवन बीमा कम्पनीका लगानीकर्ताले १८५.९८ अंकले कमाएका छन् ।
आजको कारोबारमा संख्याको आधारमा नेपाललाईफ शिर्ष स्थानमा रह्यो । त्यस्तै प्रभु बैंक, नेपाल पूनर्बीमा कम्पनी लिमिटेड तथा शिखर इन्स्योरेन्स क्रमशः दोस्रो, तेस्रो र चौथो स्थानमा रहे । त्यस्तै कारोबार रकमको आधारमा सानिमा इक्विटी फण्ड, प्रभु बैंक लिमिटेड, कुमारी बैंक लिमिटेड तथा सिभिल बैंक शिर्ष स्थानमा रहे ।
बेस्ट फाईनान्स, कर्पोरेट डेभलोपमेन्ट बैंक तथा ग्रिन डेभलोपमेन्ट बैंकका लगानीकर्ताहरुले सबैभन्दा धेरै कमाए भने विशाल बजार, कामना सेवा विकस बैंक, सिभिल लघुबित्त लगायतका कम्पनीका लगानीकर्ताहरु धेरै गुमाउनेमा परेका छन् ।
वि.सं.२०७७ माघ ७ बुधवार १६:२२ मा प्रकाशित
