Sansar News
७ माघ, काठमाडौं । नेपाली कांग्रेसका सभापति शेर बहादुर देउवाले भोली (माघ ८ गते) हुन लागेको संसद विघटनविरुद्धको वडास्तरीय प्रदर्शनमा ऐक्यबद्धता जनाउन अपिल गरेका छन् ।
प्रधानमन्त्री केपी शर्मा ओलीको नेतृत्वमा रहेको नेपाल कम्युनिष्ट पार्टीको सरकारको सिफारिसमा भएको प्रतिनिधिसभा विघटनविरुद्धको प्रदर्शनमा सहभागी हुन भन्दै सभापति देउवाले एक विज्ञप्तिमार्फत् अपिल गरेका हुन् ।
संसद विघटनको कदमलाई असंबैधानिक र अलोकतान्त्रिक ठहर गर्दै नेपाली कांग्रेसले पुस १३ गते १६५ निर्वाचन क्षेत्रमा, पुस २५ गते ३३० प प्रदेशसभा निर्वाचन क्षेत्रमा तथा माघ ३ गते ७५३ वटै पालिकामा विरोध प्रदर्शनका कार्यक्रमहरु सम्पन्न गरिसकेको छ ।
वि.सं.२०७७ माघ ७ बुधवार १६:३५ मा प्रकाशित
