हामी सबैकाे संसारन्यूज

काठमाडौं । राष्ट्रिय वाणिज्य बैंकले ४ दशमलव ५० प्रतिशत लाभांश प्रस्ताव गर्दै १५औं वार्षिक साधारण सभा माघ २८ गतेका दिन हुने भएको छ ।

हाल संस्थापक लगानीकर्ताको मात्र स्वामित्व रहेको राष्ट्रिय वाणिज्य बैंकले २ प्रतिशत बोनस शेयर र कर प्रयोजन समेत गरी २ दशमलव ५० प्रतिशत नगद लाभांशको प्रस्ताव गरेको हो ।

सभा बैंकको केन्द्रिय कार्यालयमा अपरान्ह २ बजेदेखि भर्चुअल माध्यमबाट गर्ने तयारी गरिएका हो । सभाले लाभांश प्रस्ताव सहित गत वर्षको वार्षिक प्रतिवेदन पारित गर्दै चालू वर्षको लागि लेखापरिक्षक नियुक्ती र निजको पारिश्रमिक निर्धारणको प्रस्ताव पारित गर्नेछ । साथै बोनस शेयरपश्चात चुक्तापूँजी बृद्धि हुने भएकाले सोही बमोजिम प्रबन्धपत्र र नियमावली संशोधन प्रस्ताव पनि सभाले पारित गर्नेछ ।