हामी सबैकाे संसारन्यूज

९ माघ, काठमाडौं । मञ्जुश्री फाईनान्स लिमिटेडले ५० करोड रुपैयाँ बराबरको ५ लाख कित्ता ऋणपत्र निष्कासन तथा बिक्री खुला गर्ने भएको छ । कम्पनीले माघ १८ गते आइतबारबाट उक्त ऋणपत्र निष्कासन तथा बिक्री खुला गर्न लागेको हो ।

ऋणपत्र खरिदका लागि २१ गतेसम्म आवेदन दिन सकिने छ । फाइनान्सले अंकित मूल्य १००० रुपैयाँ दरको ऋणपत्र जारी गर्न लागेको हो ।
कम्पनीको ऋणपत्रमा कम्तिमा २५ कित्ताका लागि आवेदन दिनुपर्ने हुन्छ । बढीमा सबै कित्ताका लागि आवेदन दिन सकिन्छ।

ऋणपत्र २०८५ सालमा परिपक्व हुने छ । कम्पनीले ५० करोड रुपैयाँ बराबरको ऋणपत्र जारी गर्न लागेको हो । यसमध्ये ३० करोड प्राइभेट प्लेसमेन्ट र बाँकी सर्वसाधारण र सामूहिक लगानी कोषलाई बिक्री गरिने छ ।