Sansar News
११ माघ, काठमाडौँ । जित्नैँ पर्ने दबाबमा रहेको होबार्ट हुरिकेन्सले सिड्नी सिक्सर्स विरुद्धको खेलमा उत्कृष्ट ब्याटिङ्ग गरेको छ । टस हारेर पहिले ब्याटिङ्ग गरेको होबार्टले २० ओभरमा ८ विकेट गुमाएर १८८ रन बनाएको छ ।
होबार्टका लागि दुवै ओपनर मिलेर १४५ रनको साझेदारी गरेका थिए । होबार्टका कप्तान म्याथ्यु वेड ४४ बलमा ८६ रन बनाएर आउट भएका थिए भने डार्सी सट ७२ रन बनाएर आउट भएका थिए । सिड्नी सिक्सर्सका लागि बलिङ्गमा शन एबट, बेन द्वारशुइस र जेक बलले सर्वाधिक २/२ विकेट लिएका थिए ।
सिड्नी सिक्सर्सले जितका लागि २० ओभरमा १८९ रन बनाउनु पर्ने भएको छ ।
वि.सं.२०७७ माघ ११ आइतवार १५:४३ मा प्रकाशित
