हामी सबैकाे संसारन्यूज

माघ १३, काठमाडौं । निर्वाचन आयोगले प्रधानमन्त्री केपी शर्मा ओली र पुष्पकमल दाहाल प्रचण्ड नै अध्यक्ष रहेको पार्टीलाई आधिकारिक मान्दै पत्र पठाएको छ । आयोगको आइतबार बसेको बैठकको निर्णयअनुसार विभाजित नेकपाका दुवै अध्यक्ष ओली र प्रचण्डलाई पत्र पठाएको हो ।

आयोगले दुवै पक्षबाट भएका विवरण परिवर्तन, संशोधन वा हेरफेर नेकपाको विधान, राजनीतिक दलसम्बन्धी ऐन–२०७३, राजनीतिक दलसम्बन्धी नियमावली–२०७४ अनुसार नरहेको ठहर गर्दै साबिककै पार्टीलाई आधिकारिक रहेको निर्णय पठाएको हो ।

आयोगले प्रधानमन्त्री ओली पक्षले गरेको केन्द्रीय समिति विस्तार र विधान संशोधनलाई अस्वीकार गरेको छ भने प्रचण्ड पक्षले माधवकुमार नेपाललाई अध्यक्ष बनाउने निर्णय पनि अस्वीकृत गरेको छ ।

आयोगले नेकपाको अन्तरिम विधानको धारा १८ (घ)अनुसार महाधिवशेनसम्म पार्टीमा दुई जना अध्यक्ष, २ जना वरिष्ठ नेता, १ जना महासचिव, १ जना प्रवक्ता र केन्द्रीय समिति ४४१ सदस्यीय रहने व्यवस्था बमोजिम फरक–फरक मितिमा दुबै पक्षबाट गरिएको निर्णयलाई विधिसम्मत नभएको ठहर गरेको छ ।

यस्तो छ आयोगले पठाएको पत्र