Sansar News
माघ १३, काठमाडौं । वरिष्ठ नेता रामचन्द्र पौडेलले कांग्रेसको उद्देश्य संसद पुनर्स्थापना नै हुनुपर्ने अडान लिएका छन् । मंगलबार बसेको कांग्रेस केन्द्रीय कार्यसमितिको बैठकमा उनले पार्टी निर्वाचन भनेर जान नहुने बताए ।
उनले प्रधानमन्त्री केपी शर्मा ओलीको कदम गलत भएको भन्दै कांग्रेस ओलीसँगै जान नसक्ने पनि प्रष्ट पारे ।
‘हाम्रो पार्टीले संसद विघटन गर्ने कदम असंवैधानिक, अलोकतान्त्रिक र सर्वसत्तावादी भन्दै गर्दा आन्दोलनको उद्देश्य निर्वाचन होइन संसदको पुनर्स्थापना नै हुनुपर्छ’, पौडेलको भनाई उद्धत गर्दै एक केन्द्रीय सदस्यले भने, ‘ओलीका गलत कदमलाई सहयोग गर्ने गरि हाम्रा उद्देश्य जानु हुँदैन् ।’
कांग्रेसले आन्दोलनका कार्यक्रमबारे निर्णय गर्दै गर्दा उनले आफ्नो अडान राखेका थिए । पार्टी सभापति शेरबहादुर देउवाले बोलीरहँदा पौडेलले आफ्ना अडान बैठकमा प्रष्ट पारेका थिए ।
बैठकमा वरिष्ठ नेता पौडेलले ओली पक्षीय मुख्यमन्त्रीहरु विरुद्व परेका अविश्वासको प्रस्तावबारे पनि कांग्रेस स्पष्ट हुनुपर्ने माग राखेका थिए । उनले ओली पक्षलाई सहयोग गर्न नहुने पनि बताएका थिए ।
सम्बन्धित समाचार
कांग्रेसद्धारा संसद विघटनविरुद्व तेस्रो चरणको आन्दोलन घोषणा, यस्ता छन् आन्दोलनका कार्यक्रम
वि.सं.२०७७ माघ १३ मंगलवार १८:१२ मा प्रकाशित
