Sansar News
१४ माघ, काठमाडौँ। नेपाली राष्ट्रिय क्रिकेट टिमले माघ २७ देखि कतारसँग टि-२० श्रृखला खेल्ने भएको छ । नेपाल क्रिकेट संघ (क्यान) ले प्रेस विज्ञप्ति जारी गदैँ नेपाली क्रिकेट टिमले माघ २७ देखी कतार विरुद्ध ३ खेलकाे टि-२० श्रृखला खेल्ने जानकारी दिएको हो ।
त्यस टि-२० श्रृखलाको तयारीका लागि क्यानले नेपाली राष्ट्रिय टिमका नवनियुक्त प्रशिक्षक डेभ ह्वाटमोरकाे प्रशिक्षणमा माघ १९ गते बाट काठमाडौंमा बन्द प्रशिक्षण सञ्चालन गर्ने निर्णय गरेको छ ।
नेपाली राष्ट्रिय टिमले ११ महिनापछि अन्तर्राष्ट्रिय खेल खेल्न लागेको हो । नेपालले पछिल्लो पटक २०२० मार्चमा थाइल्याण्डमा एसिसी इस्टर्न रिजन टि-२० प्रतियोगिता खेलेको थियो ।
नेपाल र कतार बिचको पहिलो टि-२० माघ २७ गते हुनेछ भने दोस्रो र तेस्रो टि-२० माघ २८ र माघ ३० गते हुनेछ ।
खेल तालिका :
पहिलो टि-२० : माघ २७
दोस्रो टि २० : माघ २८
तेस्रो टि २० : माघ २०
वि.सं.२०७७ माघ १४ बुधवार १३:०० मा प्रकाशित
