हामी सबैकाे संसारन्यूज

१५ माघ, काठमाडौं । ग्लोबल आइएमई बैंक लिमिटेडले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ ।

चालु आर्थिक वर्षको दोस्रो त्रैमाससम्म आइपुग्दा बैंकले ३७.३२ प्रतिशत बढी नाफा कमाउन सफल भएका छन् । बैंकले उक्त अवाधिमा २ अर्ब ३१ करोड ५१ लाख रुपैयाँ खुद नाफा आर्जन गर्न सफल भएको छ । गत आर्थिक वर्षको यसै अवधिमा बैंकले १ अर्ब ६८ करोड ५९ लाख रुपैयाँ खुद नाफा आर्जन गरेको थियो ।

दोस्रो त्रैमाससम्म आइपुग्दा बैंकले ४ अर्ब ७७ करोड १८ लाख ५४ हजार रुपैयाँ खुद व्याज आम्दानी गरेको छ । उक्त आम्दानी गत वर्षको यसै अवधिको तुलनामा ३४.४६ प्रतिशले धेरै हो । गत आर्थिक वर्षको यसै अवधिमा बैंकले ३ अर्ब ५४ करोड ८६ लाख ९८ हजार रुपैयाँ खुद व्याज आम्दानी गरेको थियो ।

त्यसैगरी, दोस्रो त्रैमाससम्म आइपुग्दा बैंकले ३ अर्ब २३ करोड ७६ लाख ६६ हजार रुपैयाँ सञ्चालन मुनाफा गरेको छ । उक्त मुनाफा रकम गत वर्षको यसै अवधिको तुलनामा ३६.६६ प्रतिशतले धेरै हो । गत आर्थिक वर्षको यसै अवधिमा बैंकले २ अर्ब ३६ करोड ९० लाख ५६ हजार रूपैयाँ सञ्चालन मुनाफा गरेको थियो ।

त्यस्तै, बैंकको चुक्ता पूँजी २१ अर्ब ६३ करोड २५ लाख रुपैयाँ, जगेडा कोषमा ७ अर्ब ७० करोड ८ लाख रुपैयाँ, प्रतिशेयर आम्दानी २१ रुपैयाँ ४० पैसा र प्रतिशेयर नेटवर्थ १४२ रुपैयाँ ६३ पैसा रहेको छ ।