हामी सबैकाे संसारन्यूज

१६ माघ, काठमाडौँ । आबुधाबी टि-१० लिग अन्तर्गत सोमपाल कामी आवद्ध टिम मराठा अरेबियन्स र करण केसी आवद्ध टिम पुणे डेविल्सले विजयी सुरुवात गरेका छन ।

२०२१ को टि-१० को पहिलो खेलमा सोमपाल आवद्ध टिम मराठा अरेबियन्सले नर्थन वारियर्सलाई ५ विकेटले पराजित गरको हो । टस हारेर पहिले ब्याटिङ्ग गरेको नर्थर्न वारियर्सले १० ओभरमा २ विकेट गुमाएर १२७ रन बनाएको थियो । वारियर्सका लागि ब्याटिङ्गमा लेन्डल सिमोन्सले सर्वाधिक ५४ रन बनाएको थिए भने मराठाका लागि बलिङ्गमा १ मात्र विकेट मुक्तर अलिले हात पारेका थिए ।

मराठाको पहिलो खेल्मैँ प्लेइङ्ग-११ मा पर्न सफल नेपाली राष्ट्रिय टिममा फास्ट बलर सोमपाल कामीले आफ्नो २ ओभरमा विकेट विहिन रदहैँ २८ रन खर्चेका थिए । सोमपालले आफ्नो पहिलो ओभरमा ८ रन खर्चेका थिए भने आफ्नो दोस्रो ओभरमा २० रन खर्चेका थिए ।

नर्थर्न वारियर्सले दिएको १२८ रनको लक्ष्य मराठा अरेवियन्सले १० ओभरमा ५ विकेट गुमाएर पुरा गर्यो । मराठा अरेबियन्सका लागि अबदुल शकूरले २८ बलमा ७३ रनको विस्फोटक पारी खेल्दैँ टिमलाई जित दिलाएका थिए ।

त्यसैगरी टि-१० लिगको दोस्रो खेलमा करण केसी आवद्ध टिम पुणे डेभिल्सले डेक्कन ग्ल्याडीएटर्सलाई ७ विकेटले पराजित गरेको छ । टस हारेर पहिले ब्याटिङ्ग गरेको डेक्कन ग्ल्याडीएटर्सले १० ओभरमा ५ विकेट गुमाएर १०४ रन बनाएको थियो । डेक्कनका लागि ब्याटिङ्गमा आजम खानले सर्वाधिक ३७ रन बनाएका थिए भने पुणेका लागि बलिङ्गमा नाशिर हुसेनले सर्वाधिक ३ विकेट लिएका थिए ।

पुणेका लागि नेपाली राष्ट्रिय टिमका अलराउण्डर केरण केसीले पहिले खेलमैँ मौका पाएका थिए । उनले डेक्कन विरुद्धको खेलमा बलिङ्गमा १ ओभर गदैँ १७ रन खर्चेका थिए । उनले दोस्रो ओभर भने गर्ने मौका पाएनन् ।

डेक्कन ग्ल्याडीएटर्सले दिएको १०५ रनको लक्ष्य पुणे डेभिल्सले ९.२ ओभरमा ३ विकेट गुमाएर पुरा गरेको थियो । पुणेका लागि किन्नर लुइसले सर्वाधिक ५७ रन बनाएर नटआउट रहेका थिए । त्यसक्रममा उनले ६ छक्का र ३ चौका प्रहार गरेका थिए ।