हामी सबैकाे संसारन्यूज

१६ माघ, काठमाडौँ । पाकिस्तान र दक्षिण अफ्रिका बिच कराचीमा भएको पहिलो टेस्टमा पाकिस्तानले ७ विकेटले जित हासिल गरेको छ । टस जितेर पहिले ब्याटिङ्ग गरेको दक्षिण अफ्रिका आफ्नो पहिलो इनिङ्गसमा २२० रनमा अलआउट भएको थियो । पहिलो इनिङ्गसमा दक्षिण अफ्रिकाका लागि डिन एल्गरले सर्वाधिक ५८ रन बनाएका थिए भने पाकिस्तानका लागि बलिङ्गमा यारीस शाहले सार्वधिक ३ विकेट लिएका थिए ।

दक्षिण अफ्रिका अलआउट भएपछि ब्याटिङ्ग गर्न आएको पाकिस्तानले आफ्नो पहिलो इनिङ्गमा ३७८ रन बनाएको थियो । पाकिस्तानका लागि पहिलो इनिङ्गसमा फवाद आलमले सर्वाधिक १०९ रनको पारी खेलेका थिए । त्यसैगरी दक्षिण अफ्रिकाका लागि बलिङ्गमा भने कागिसो रबाडा र लुंगी एनगिडीले सर्वाधिक ३/३ विकेट लिएका थिए ।

पहिलो इनिङ्गसमा १५८ रनले पछि परेको दक्षिण अफ्रिका आफ्नो दोस्रो इनिङ्गमा २४५ रनमा अलआउट भएको थियो । दोस्रो इनिङ्गसमा दक्षिण अफ्रिकाका लागि एडेन माक्रमले सर्वाधिक ७४ रन बनाएका थिए । दक्षिण अफ्रिका २४५ रनमा अलआउट भएपछि पाकिस्तानले जितको लागि ८८ रनको लक्ष्य पाएको हो ।

दक्षिण अफ्रिकाले दिएको ८८ रनको लक्ष्य पाकिस्तानले २२.५ ओभरमा ३ विकेट गुमाएर पुरा गर्यो । जितसँगै पाकिस्तानले २ खेलको टेस्ट श्रृखलामा १-० ले अग्रता लिएको छ ।