हामी सबैकाे संसारन्यूज

१७ माघ, काठमाडौं । नेपालमा बुधबार देखि सुरु भएको कोरोना भाइरसविरुद्धको खोप लिनेको संख्याम ४६ हजार १९७ पुगेको छ ।

स्वास्थ्य तथा जनसंख्या मन्त्रालयका अनुसार बुधबार, विहिबार र शुक्रबार सम्ममा प्रदेश १ मा ७,३६९, प्रदेश नं २ मा ४,६५०, बागमतीमा १५,६४१, गण्डकीमा ७,१५३, लुम्बिनीमा ४,६३५, कर्णालीमा २,९६६ र सुदूरपश्चिम प्रदेशमा ३,७८३ जनाले कोरोना भाइरसविरुद्धको खोप लिएका हुन् ।

मन्त्रालयका अनुसार कोरोना खोप लिइसके पश्चात अवाञ्छित घटना भए\नभएको अनुगमन गर्न देशैभरी नै विज्ञ चिकित्शक परिचालन गरिएको छ ।

मन्त्रालयका अनुसार खोप लिएकाहरुमध्ये केहीमा ससामान्य असर देखिएको तथ्यांक प्राप्त भएपनि चिकित्सकहरुको प्रतिवेदन अनुसार ती असरहरु केही समयमा आफै निको हुने समेत बताइएको छ ।