Sansar News
माघ १८, काठमाडौं । प्रतिनिधि सभा विघिटनविरुद्व विभाजित नेकपाको प्रचण्ड–नेपाल समुह माईतीघरमा साताव्यापी धर्नामा छ । गत माघ १४ गतेदेखि साताव्यापी धर्ना दिईरहेको प्रचण्ड–नेपाल समुहको आजको धर्नामा पार्टीका अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल पनि सहभागी हुने भएका छन् ।
प्रचण्डका प्रेस संयोजक विष्णु सापकोटा जुगलका अनुसार अध्यक्षद्वय मध्यान्ह १२ बजेदेखि धर्नामा सहभागी हुनेछन् ।
काठमाडौं उपत्यका बाहिरका आमसभा सकेर फर्किए लगत्तै प्रचण्ड र नेपाल धर्नामा सहभागी हुन लागेका हुन् ।
साताव्यापी धर्ना कार्यक्रममा प्रचण्ड–नेपाल समुहका प्रतिनिधि सभा सदस्यसहित राष्ट्रिय सभा, प्रदेश सभा र दुवै संविधानसभाका सदस्यहरु सहभागी भैरहेका छन् ।
वि.सं.२०७७ माघ १८ आइतवार ११:२९ मा प्रकाशित
