हामी सबैकाे संसारन्यूज

१८ माघ, काठमाडौं । आशा लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमास सम्मको बित्तिय विवरण सार्वजनिक गरेको छ । सार्वजनिक वित्तिय विवरण अनुसार संस्थाको नाफामा उछाल आएको छ ।

आज संस्थाद्धारा जारी दोस्रो त्रैमास वित्तीय विवरणअनुसार संस्थाको नाफा गत वर्ष यही अवधिको तुलनामा १५८.५६ प्रतिशतले बढेको हो । गत वर्ष यही अवधिमा संस्थाले २ करोड ७० लाख रुपैयाँ नाफा आर्जन गरेको छ मा संस्थाले यो पुस मसान्त सम्ममा ७ करोड रुपैयाँ आर्जन गरेको हो ।

यस अवधि सम्मामा संस्थाले सञ्चालन मुनाफाबाट ९ करोड १० लाख रुपैयाँ आर्जन गरेको छ । यस्तो मुनाफाबाट गत वर्ष यही अवधिमा १ करोड ३१ लाख रुपैयाँमा सीमित थियो ।

संस्थाले गत बर्ष यो अवधिमा ८ करोड २६ करोड रुपैयाँ रुपैयाँ खुद ब्याज आम्दानी गरेकोमा यो बर्ष भने उत्त शिर्षकमा संस्थाले ११ करोड ६८ लाख रुपैयाँ मुनाफा हासिल गर्न सफल भएको छ ।

गत वर्षको यो अवधिमा संस्थाले १ अर्ब ३३ करोड रुपैयाँ सापटी लिई २ अर्ब १९ करोड रुपैयाँ कर्जा प्रवाह गरेको थियो भने स।स्थाले यो बर्ष १ अर्ब ८६ करोड रुपैयाँ सापटी लिई ३ अर्ब २० करोड रुपैयाँ कर्जा प्रवाह गरेको छ ।

गत वर्ष रिजर्भमा ६ करोड २९ लाख रुपैयाँ रहेको संस्थाको रिजर्भको आकार अहिले ८४.९४ प्रतिशतले बढेर ११ करोड ६५ लाख रुपैयाँ पुगेको छ ।

संस्थाको वार्षिकीकृत प्रतिसेयर आम्दानी (ईपीएस) ५२.४२ रुपैयाँ रहेको छ भने संस्थाको प्रतिसेयर नेटवर्थ १४३.६१ रुपैयाँ रहेको छ ।