हामी सबैकाे संसारन्यूज

१९ माघ, काठमाडौं । नेपाल कम्युनिष्ट पार्टी (क्रान्तीकारी माओवादी) का महासचिव मोहन वैद्य किरणले उपलब्धिहरुको रक्षा गर्दै वृहद मोर्चा मार्फत अघि बढन  जोड दिएका छन् ।

पुष्पलाल अध्ययन समाजका पदाधिकारीहरुसँग देशको समसामयिक राजनीतिबारे छलफल गर्दै उनले बिसं २००६ देखिका संघर्ष, जनयुद्ध र २०६२\६३ को जनआन्दोलनबाट प्राप्त गणतन्त्र, धर्म निरपेक्षता र संघीयता लगायतका उपलब्धिहरु  रक्षा गर्न, जनताको हक अधिकार वहाली सहित नयां जनवादी क्रान्ति सम्पन्न गर्न  सम्पूर्ण वामपन्थी, प्रगतीशिल र देशभक्त समुदाय एकतावद्ध हुनुपर्नेमा जोड दिएका हुन् ।

पुष्पलाल अध्ययन समाजका अध्यक्ष लोककृष्ण भट्टराई सहित उपाध्यक्ष नारायण शर्मा, बोर्ण बहादुर कार्की, महासचिव सुरेश कार्की र उपमहासचिव मुकुन्द आचार्य सहितको टिमसँग छलफल गर्दै नेता वैद्यले मोर्चा फराकिलो पार्न आफू तयार रहेको बताएका थिए ।

पुष्पलाल अध्ययन समाजका पदाधिकारीहरुले राष्ट्रियता, जनतन्त्र र जनजीविकाका माग कमजोर रहेको बेलामा विघटीत संसदको पुर्नस्थापना सहित मौलीक अधिकारका पक्षमा आफूहरु लागिपर्ने बताएका थिए । उनीहरुले गैरसंबैधानकि कदम फिर्ता गराएर अग्रगमनका थप स्टेपहरुमा जानुपर्ने प्रस्ताव राखेका थिए । छलफलमा सहभागी एक नेताका अनुसार नयां जनवादी क्रान्तिको लागी बैध्यसंग उनीहरुको मतैक्यता रहेको थियो ।