हामी सबैकाे संसारन्यूज

भ्रष्टाचार न्यूनिकरणका लागि जनअभियान सञ्चालन गर्नुपर्नेमा जोड दिदैं सहभागीहरुले विशेषगरी सेवाग्राहीको अत्यन्त भिड हुने कार्यालयमा आयोगले विशेष ध्यान दिनुपर्ने आवश्यकता औल्याउनुभयो ।

सो अवसरमा झापाका प्रमुख जिल्ला अधिकारी उत्तरकुमार खत्रीले राज्यले सुम्पेको पदीय दायित्वलाई प्रत्येक कर्मचारीले इमान्दारीपूर्वक निर्वाह गर्नुपर्ने बताउँदै सेवाग्राहीप्रति उत्तरदायी बन्न कर्मचारीलाई निर्देशन दिनुभयो ।

कार्यक्रममा आयोगका शाखा अधिकृत विष्णुकुमार थिगवा (लिम्बू)ले कार्यालयको गतिविधिका बारेमा विस्तृत जानकारी गराउनुभयो ।

विगत तीन वर्षमा आयोगको यो कार्यालयबाट तीन हजार ८९५ उजुरी आएकोमा तीन हजार ४९१ फछ्र्यौट भइसकेको र झापामा यसवर्ष विभिन्न कार्यालयका गरी ३६२ वटा उजुरी आएकोमा ३२२ वटा फछ्र्यौट भइसकेको उहाँले बताउनुभयो ।

झापामा सबै भन्दा बढी उजुरी शिक्षा, स्थानीय निकाय र भूमि सम्बन्धी रहेका छन् । आयोगका कार्यालय प्रमुख प्रेमप्रसाद भट्टराईको अध्यक्षतामा सो कार्यक्रम सम्पन्न भएको थियो ।