हामी सबैकाे संसारन्यूज

२० माघ, काठमाडौं । बृहत् नागरिक आन्दोलनका अभियन्ता नारायण वाग्लेले फागुन ७ गते याँ जनआन्दोलनको लहरको उद्घोष गरिने बताएका छन् ।

मंगलबार दिउँसो शोभा भगवतीमा आयोजित नागरिक समाजको विरोध सभामा बोल्दै वाग्लेले फागुन ७ गते टुँडिखेलबाट नागरिक–घोषणापत्र सार्वजनिक जनाउँदै सो दिन जनआन्दोलनको लहर सुरु उद्घोष गर्ने बताएका हुन् ।

उनले भने, ‘म यसै मञ्चमार्फत् आह्वान गर्दछु, काँडेतार हटाएर भए पनि त्यो ठाउँमा उभिएर नागरिक सभा गर्ने हक हामीलाई छ । उक्त सभामा बृहत् नागरिक आन्दोलनको घोषणापत्र सार्वजनिक गरी नयाँ जनआन्दोलनको उभार निम्त्याउँछौं ।’

नागरिक समाजले शहीदको समर्पणमा निरन्तर कार्यक्रम गरिरहेको जनाउँदै यसपालिको प्रजातन्त्र दिवसका दिने नागरिकको अधिकार कहाँ कहाँ खोसियो प्रश्न गरिने बताए । ‘हामी नागरिक हो कि रैती, भन्ने कुरा सोध्नेछौं । नागरिक अधिकार कहाँ दमन गरियो, कहाँकहाँ खोसियो, त्यसमा हामी प्रश्न गर्नेछौं’ उनले सभालाई सम्बोधन गर्दै भने ‘फागुन ७ गते यो सबै कुरा बताइनेछ । हाम्रो माटोमा टेकेर हामी बोल्नेछौं ।’