Sansar News
२० माघ, काठमाडौं । जनता समाजवादी पार्टी, (जसपा) नेपालले संसद विघटनविरुद्ध अझै कडा रुपमा प्रस्तुत हुने निर्णय गरेको छ ।
जसपाले आगामी संघर्षका कार्यक्रम बारे जानकारी दिँदै जिल्ला स्तरदेखि पुत्ला दहनसम्मका कार्यक्रमहरु आयोजना गर्ने र आवश्यक परे वडा स्तरसम्म पनि आन्दोलन गर्ने निर्णय गरेको छ
उसले विरोध कार्यक्रम अन्तर्गत माघ २३ गते जिल्ला स्तरमा प्रदर्शन गर्ने जनाएको छ । त्यस्तै २५ गते पुत्ला दहन र माघ २८ गते मसाल जुलुस प्रदर्शन गर्ने जनाएको छ ।
प्रधानमन्त्री केपी शर्मा ओलिको सिफारिसमा राष्ट्रपति विद्यादेवि भण्डारीले पुष ५ गते प्रतिनिधिसभा विघटन गरेदेखि नै त्यसविरुद्ध जसपाले विभिन्न चरणमा विरोध प्रदर्शन गर्दै आएको छ ।
वि.सं.२०७७ माघ २० मंगलवार २०:२० मा प्रकाशित
