Sansar News
२२ माघ, काठमाडौं । नेपालमा कोरोना भाइरसविरुद्धको खोप अभियान सुरु भएको बुधबार एकसाता पुगेको छ ।
कोरोनाविरुद्धको खोप पहिलो चरणमा स्वास्थ्यकर्मी, सुरक्षाकर्मी, स्वयम्सेविका, एम्बुलेन्सचालक लगायत कोरोना भाइरसविरुद्धको अभियानमा फ्रन्ट लाइनमा खटिनेहरुका लागि विशेष प्राथमिकता दिइएको थियो ।
यहि अभियान अन्तर्गत बुधबार बेलुकासम्म देशैभरीका २०१ वटा खोप बुथहरुबाट १ लाख ४५ हजार ८४४ जनाले कोरोना भाइरस विरुद्धको खोप लिएका छन् ।
जसमध्ये प्रदेश नं १ मा २० हजार १५५, प्रदेश नं २ मा १९ हजार ६६३, बागमतीमा ५० हजार ७५०, गण्डकी प्रदेशमा १६ हजार ४९५, लुम्बिनी प्रदेशमा २१ हजार ४५४, कर्णाली प्रदेशमा ७ हजार ३२६ र सुदूरपश्चिम प्रदेशमा १० हजार १ जनाले कोरोना भाइरसविरुद्धको खोप लगाएको स्वास्थ्यमन्त्रालयका प्रवक्ता डा. जागेश्वर गौतमले जानकारी दिएका छन् ।
१ लाख २८ हजार बढीले लगाए कोरोनाविरुद्धको खोप, हेर्नुहोस कुन प्रदेशमा कतिले लगाए त ?
वि.सं.२०७७ माघ २२ बिहीवार १२:०८ मा प्रकाशित
