Sansar News
माघ २२, काठमाडौं । विभाजित नेकपाको प्रचण्ड–नेपाल समूहले आज देशव्यापी आमहड्ताल गरेको छ । आम हड्तालको प्रभाव संघीय राजधानी काठमाडौंसहित देशभैरि परेको छ ।
संघीय राजधानीमा काठमाडौंमा छिटफुट रुपमा मोटरसाईकल तथा केही निजी सवारीका साधन सञ्चालनमा आएको भएपनि सार्वजनिक सवारी साधन भने पूर्णं ठप्प छ । बन्दको प्रभाव बजार तथा व्यवसायमा नराम्रोसँग परेको छ । केही खाद्यान्न तथा अत्यावश्यकीय बाहेक सबै जसो व्यवसाय बन्द छन् ।
बन्दको आव्हान गरेको प्रचण्ड–नेपाल समूहका शीर्ष नेताहरु नै सडकमा ओर्लीएका छन् । समूहका अध्यक्षद्वय पुष्पकमल दाहाल प्रचण्ड र माधवकुमार नेपाल पनि बिहान सडकमा निस्किएर नारा लगाएका थिए ।
यसैबीच बन्द सफल बनाउन प्रचण्ड–नेपाल समूहका नेता तथा कार्यकर्ताले सडकमै खाना बनाएर खाएका छन् । काठमाडौंको कोटेश्वर चोकमा जम्मा भएका नेता तथा कार्यकर्ताले सडकमै खाना बनाएर खाएका हुन् ।
जनाइएअनुसार ४/५ सय प्रदर्शनकारीले सडकमा खाना खाएका छन् । सडकमा क्याटरिङ्गलाई भाडामा बोलाएर खाना बनाउन लगाइएको जनाइएको छ ।
हेर्नुहोस् तस्बिरहरु :
तस्बिर : प्रचण्ड-नेपाल पक्षीय नेकपाका केन्द्रीय सदस्य रामप्रसाद सापकाेटा ‘दीपशिखा’काे फेसबुक वालबाट ।
वि.सं.२०७७ माघ २२ बिहीवार १४:२० मा प्रकाशित
