हामी सबैकाे संसारन्यूज

माघ २४, काठमाडौं । पूर्वमन्त्री एवं नेकपाको प्रचण्ड–नेपाल समूहकी नेतृ विना मगरले चिडियाखाना पुर्याउँछु भन्ने रामबहादुर थापा ‘बादल’को भनाई आफैंमा व्यंग्य भएको टिप्पणी गरेकी छिन् । सामाजिक सञ्जालमार्फत उनले थापाको भनाई ध्वाँस मात्रै भएको बताईन् ।

शुक्रबार ओली पक्षीय आमशभाका क्रममा गृहमन्त्रीसमेत रहेका नेता बादलले प्रचण्ड–नेपाल समूहले मांशाहारी आन्दोलन (हिंसात्मक) गरे जावलाखेलको चिडियाघरमा कोच्ने चेतावनी दिएका थिए । जसको जवाफमा प्रचण्डको बुहारीसमेत रहेकी मगरले ‘वर्षात अघि गर्जिने बादल क्षणिक हुन्छ’ भन्ने प्रतिक्रिया दिएकी छिन् ।

उनले बादललाई बादल बनाउने धरातललाई व्यंग्य नहान्न पनि सुझाब दिइन् ।