हामी सबैकाे संसारन्यूज

माघ २५, काठमाडौं । विघटित प्रतिनिधि सभाका सभामुख अग्निप्रसाद सापकोटाले संवैधानिक निकायहरुमा भएको नियुक्तीविरुद्व दायर गरेको रिटमाथि आज सुनुवाई हुने भएको छ । शुक्रबार सभामुख स्वयं उपस्थित भई दायर गरेको रिटमाथि सुनुवाई हुन लागेको हो ।

सभामुख सापकोटाले दायर गरेको रिट न्यायाधीश प्रकाशकुमार ढुंगानाको एकल इजलासमा परेको छ । सभामुख सापकोटाले राष्ट्रपति, प्रधानमन्त्री र प्रधानन्यायाधीशसहित ३७ जनालाई विपक्षी बनाएर नियुक्तीविरुद्व रिट दायर गरेका थिए ।

सम्बन्धित समाचार

यस्तो छ संवैधानिक नियुक्तीविरुद्व सभामुख सापकोटाले दायर गरेको रिट (पूर्णंपाठसहित)

संवैधानिक परिषदले संवैधानिक निकायमा नियुक्तीको लागि गरेको सिफारिस सभामुखले जस्ताको तस्तै फिर्ता पठाएका थिए । तर, राष्ट्रपति विद्यादेवी भण्डारीले भने गत बुधबार संवैधानिक निकायमा सिफारिस सबैलाई सपथ खुवाएकी थिइन् ।