हामी सबैकाे संसारन्यूज

माघ २५, काठमाडौं । भारतको उत्तराखण्डको चमोली जिल्लास्थित ऋषिगंगा र धौलीगंगामा बनेको जलविद्यूत परियोजनाको बाँध फुटेको छ । भारतीय सञ्चार माध्यमले जनाएअनुसार आइतबार मध्यान्ह दुवै आयोजनाका बाँध फुटेका हुन् ।

बाँध फुटेसँगै जलविद्युत आयोजनामा कार्यरत १ सय ५० बढि मजदुर वेपत्ता भएका छन् । भारतीय सञ्चार माध्यम जागरणका अनुसार बाँध फुटेसँगै नदिमा आएको बाढीले थप क्षति बनाउन सक्ने भन्दै नदि आपसासका सबै क्षेत्र हरिद्धारसम्म नै अलर्ट जारी गरिएको छ ।

चमोली में बंध टूटने के बाद कई जगहों पर बध जैसे हालत। भारी नुक़सान की आशंका। नदी के किनारे वाले इलाक़े में रहने वालों में दहशत। @JagranNews https://t.co/54ui1MMwqv pic.twitter.com/vWEzXmyO2F

— amit singh (@Join_AmitSingh) February 7, 2021

भारतीय जागरण अनलाईनले जनाएअनुसार आइतबार बिहान ऋषिगंगा नदिमा निर्माणाधीन २४ मेगावाटको जलविद्युत आयोजनाको बाँध फुटेको थियो । जसलगत्तै आएको बाढीसँगै धौलीगंगामा रहेको ५ सय २० मेगावाटको निर्माणाधीन जलविद्युत परियोजनाको बाँध बगाएको हो ।

जनाइएअनुसार हाल दुवै परियोजनामा काम चलिरहेको थियो । काम चलिरहेको समय बाँध फुटेसँगै धेरै मजदुरहरु वेपत्ता भएका हुन् ।

जनाइएअनुसार दुवै जलविद्युत आयोजना नजिक ६ सयभन्दा बढिको संख्यामा मजदुरहरु बस्ने क्याम्प बनाइएका थिए ।