हामी सबैकाे संसारन्यूज

२६ माघ, काठमाडौं । नेपालमा माघ १५ गतेदेखि सुरु भएको कोरोना भाइरसविरुद्धको खोप अभियान आजबाट पत्रकार, कुटनीतिक नियोगका कर्मचारी, युएन एजेन्सी लगायतका कर्मचरालाई लगाइने भएको छ ।

पहिलो चरण अन्तर्गत देशैभरी रहेका झण्डै २०१ खोप बुथबाट कोरोना भाइरसविरुद्धको लडाईमा खटिएका स्वास्थ्यकर्मी, सुरक्षाकर्मी, स्वयम्सेविका, एम्बुलेन्सचालक, शब बाहन चालकलगायतलाई खोप लगाईएको थियो ।

पहिलो चरणमा ७७ वटै जिल्लामा फ्रन्टलाइनमा खटिएका १ लाख ८५ हजार बढीले उक्त खोप लगाएको स्वास्थ्य तथा जनसंख्या मन्त्रालयले जनाएको छ ।

सोहि अभियान अन्तर्गत आजबाट पत्रकार लगायतले कोरोना खोप लगाउन पाउने भएका छन् । आज (सोमबार) देखि शुक्रबारसम्म कोरोनाविरुद्ध अग्रपंक्तिमा खटिएर काम गर्ने पत्रकारहरुलाई नयाँ बानेश्वरस्थित निजामति कर्मचारी अस्पतालबाट खोप दिइने भएको छ । त्यसका लागि सूचना विभागको प्रेस पास लिएर जानुपर्ने पनि मन्त्रालयले जनाएको छ ।

मन्त्रालयका अनुसार देशैभरी रहेका झण्डै १३ हजार पत्रकारले उक्त खोप सेवा लिन पाउनेछन् ।