Sansar News
२६ माघ, काठमाडौँ । भारतीय क्रिकेट टिम आफ्नो पहिलो इनिङ्गमा ३३७ रनमा अलआउट भएको छ ।
पहिलो टेस्टमा टस जितेर पहिले ब्याटिङ्ग गरेको इंल्याण्ड आफ्नो पहिलो इनिङ्गमा ५७८ रनमा अलआउट भएको थियो । इंल्याण्डका लागि ब्याटिङ्गमा कप्तान जो रुटले सर्वाधिक २१८ रनको पारी खेलेका थिए भने भारतका लागि बलिङ्गमा जसप्रीत बुमराह र रविचन्द्र अश्विनले सर्वाधिक ३/३ विकेट लिएका थिए ।
इंल्याण्ड अलआउट भएपछि आफ्नो पहिलो इनिङ्गस लिएर आएको भारत ३३७ रनमा अलआउट भएको छ । भारतका लागि रिषभ पंतले ८८ बलमा ९१ रनको विस्फोटक पारी खेलेका थिए । त्यसैगरी चेतेश्वर पुजारले पनि ७३ रनको पारी खेलेका थिए । भारतका लागि वाशिंगटन सुन्दर भने ८५ रनमा नटआउट रहेका थिए । भारतीय टिम अलआउट हुँदा उनले १५ रनले सतक बनाउनबाट चुकेका छन ।
इंल्याण्डका लागि बलिङ्गमा भने डोम वेशले सर्वाधिक ४ विकेट लिएका थिए ।
भारत ३३७ रनमा अलआउट भएसँगै इंल्याण्डले पहिलो इनिङ्गसमा २४३ रनले लिड लिएको छ ।
वि.सं.२०७७ माघ २६ सोमवार ११:५२ मा प्रकाशित
