Sansar News
२७ माघ, काठमाडौं । गरिमा विकास बैंकले पोखरा महानगरपालिका वडा नं १ को वगरमा लकर सुविधा सुरु गरेको छ ।
आफ्ना ग्राहकवर्गहरुलाई दिईरहेको बैकिंङ्ग सेवा तथा सुविधाहरुलाई थप प्रभावकारी बनाउनका लागि वगर स्थित आफ्नो शाखा कार्यालयबाट आइतबार (माघ २५) देखि लकर सुविधा सञ्चालन गरेको हो ।
उक्त कार्यक्रमको औपचारिक उद्घाटन गर्दै बैंकका प्रमुख कार्यकारी अधिकृत गोविन्द प्रसाद ढकालले बैंकले राष्ट्र बैंकको निति तथा परिधिमा बसी आफ्नो सेवा विस्तार गर्ने क्रममा पुर्वमेची देखी पश्चिम महाकालीसम्म आफ्नो शाखा विस्तार गरी ग्राहकहरुलाई सेवा दिएको बताए ।
बैंकले देशैभरी १०६ शाखा कार्यालयहरु र ५१ एटिएमबाट सेवा प्रदान गरिरहेको र निकट भविष्यमा थप शाखा सञ्जाल देशका अन्य स्थानहरुबाट समेत विस्तार गर्ने क्रममा रहेको बताइएको छ ।
वि.सं.२०७७ माघ २७ मंगलवार १३:३० मा प्रकाशित
