Sansar News
२७ माघ, कन्चनपुर । मलामी गएका बेला नदीमै फसेका १६ जनाको प्रहरीले सकुशल उद्धार गरेको छ ।
भिमदत्त नगरपालिका १२ भुजेलाघाटस्थित महाकाली नदीको टापुमा फसेका १६ जनाको मंगलबार बिहान प्रहरीले सकुशल उद्धार गरेको हो ।
उक्त स्थानमा मलामी गएका उनीहरु भारतको टनकपुरस्थित एन.एच.पि.सि.द्वारा टनकपुर पावर हाउसको पानी सफाई गर्नको लागि महाकाली नदीमा पानी छाडेपछि पानीको बहाब बढ्न गई उनीहरु नदीको बीच भागको टापुमा फसेका थिए ।
जिल्ला प्रहरी कार्यालय कञ्चनपुर, विपद् व्यवस्थापन गुल्म महेन्द्रनगर र ईलाका प्रहरी कार्यालय गड्डाचौकीबाट खटिएको प्रहरी टोलीले उनीहरुको सकुशल उद्धार गरेका प्रहरीले जनाएको छ ।
वि.सं.२०७७ माघ २७ मंगलवार १९:४० मा प्रकाशित
