Sansar News
माघ २९, काठमाडौं । प्रचण्ड–नेपाल समूहकी नेतृ रामकुमारी झाँक्रीलाई प्रहरीले पक्राउ गरेको छ । उनलाई शंखमुलस्थित उनको निवासबाटै प्रहरीले पक्राउ गरेको हो ।
झाँक्रीलाई महानगरीय अपराध महाशाखाले राज्यविरुद्वको कसूरअन्तर्गत दफा ५८ अनुसार पक्राउ पुर्जी थमाएको छ ।
पक्राउ पुर्जी पाएसँगै झाँक्रीले गिरफ्तारी दिन तयार भएकी छिन् । यसअघि उनले सादा पोशाकमा आएका प्रहरीलाई पक्राउ दिन अस्वीकार गरेकी थिइन् । उनले पक्राउ पुर्जी नपाएसम्म गिरफ्तारी नदिने अडान लिँदै आएकी थिइन् ।
सम्बन्धित समाचार
राज्यविरुद्वको कसुर गरेको भन्दै झाँक्रीलाई प्रहरीले थमायो पक्राउ पुर्जी
केहि साता अघि गोरखामा भएको एक कार्यक्रममा झाँक्रीले राष्ट्रपति भण्डारीलाई बडामहारानी भन्दै सेतो सारी लगाएर चुनावमा आउन भनेकी थिइन् । उनले मदन भण्डारीको हत्यापछि सेतो सारीलाई ल्याएर एमालेले शक्ति आर्जन गर्ने गलत सांस्कृतिक अभ्यास गरेको र त्यसैको प्रत्युत्पादन विद्या भण्डारी भएको टिप्पणी गरेकी थिइन् ।
सोही विषयलाई लिएर ओली पक्षीय महिला संगठनले उनलाई पक्राउ गर्न माग गरेको थियो । जससँगै प्रहरीले उनीमाथि उच्च निगरानी बढाएको थियो ।
वि.सं.२०७७ माघ २९ बिहीवार १३:३० मा प्रकाशित
