हामी सबैकाे संसारन्यूज

२९ माघ, काठमाडौँ । अध्यागमन विभागले संचारमाध्यममा आएको विषयका विषयमा भ्रममा नपर्न आग्रह गरेको छ ।

बुधबारका विभिन्न संचारमाध्यममा आएका समाचारप्रति गम्भिर ध्यानाकर्षण भएको भन्दै आन्तरिक विभागले प्रेस विज्ञप्तिमार्फत प्रष्ट पारेको छ ।

आन्तरिक विभागको आन्तरिक कार्यविधिमा संसोधन गरी जोखिम सम्भाव्य मुलुकमा नेपाली महिलाहरु भिजिट भिषामा जाँदा परिवारका सदस्य वा स्थानीय तहको सिफारिस अनिवार्य पर्ने गरी निर्णय हुन लागेको भन्ने विभिन्न संचारमाध्यममा आएको समाचारप्रति गम्भिर ध्यानाकर्षण भएको जनाएको छ ।

संचारमाध्यममा आएको जस्तो नभई खाडी र अफ्रिकी मुलुक जस्ता जोखिम सम्भाव्य मुलुकमा पहिलो पटक एक्लै यात्रा गर्ने र आफ्नो यात्राको सामान्य जानकारी समेत नभएका महिलाहरुका लागि आवश्यक पर्नसक्ने गरी कार्यदलको अनौपचारिक छलफलमा रहेको भन्दै यस विषयमा आम जनमानसलाई भ्रममा नपर्न अनुरोध गरेको छ ।

यस विषयमा कुनै पनि निर्णय नभएको जानकारी गराउँदै सार्वजनिक सरोकारका विषयहरुमा निर्णय गर्दा नागरिकका मौलिक अधिकार कुण्ठित नहुने गरी निर्णय हुने समेत विभागले विज्ञप्तिमार्फत जनाएको छ ।