Sansar News
२९ माघ, काठमाडौँ । नेपाल कम्युनिष्ट पार्टी (नेकपा)का स्थायी कमिटी सदस्य टोपबहादुर रायमाझीले आफू नेकपाको प्रचण्ड–माधव समूहमा जाने लागेको भनी गरिएका टिप्पणीप्रति आपत्ति जनाएका छन् ।
ऊर्जा, जलस्रोत तथा सिंचाइ मन्त्री रायमाझीका प्रमुख स्वकीय सचिव लीला जिसीले आज विज्ञप्ति जारी गरी नेकपाका स्थायी कमिटी सदस्य तथा उर्जा, जलश्रोत तथा सिंचाई मन्त्री टोपबहादुर रायमाझी प्रचण्ड– माधव समूहमा जान लागेको भनि प्रचण्ड–माधव समूहद्वारा गरिएको कुप्रचार भएको भन्दै त्यस्तो भ्रम र कुप्रचारबाट सचेत रहन सम्पूर्णमा आग्रह गरेका छन् ।
मन्त्री रायमाझी प्रधानमन्त्री एवं नेकपाका अध्यक्ष केपी शर्मा ओली नेतृत्वको सरकार र पार्टीले ‘समृद्ध नेपाल, सुखी नेपाली’को राष्ट्रिय आकाङ्क्षा पूरा गर्ने दीर्घकालीन र दूरदर्शी लक्ष्यका पक्षमा रहेको स्पष्ट गरिएको छ ।
विज्ञप्तिमा पदविना एकछिन पनि बस्न नसक्ने केही नेताहरुको गलत प्रचारको अलमलमा नगरी पार्टीलाई एकताबद्ध, जनमुखी र लोकप्रिय बनाउँदै विकास र समृद्धिमा केन्द्रित हुन आग्रह गरिएको छ ।
वि.सं.२०७७ माघ २९ बिहीवार १९:१४ मा प्रकाशित
