Sansar News
२९ माघ, काठमाडौं । नेपाल कम्युनिष्ट पार्टी (नेकपा) की केन्द्रीय सदस्य तथा प्रतिनिधिसभा सदस्य रामकुमारी झाँक्री रिहा भएकी छन् ।
बिहीबार दिउँसो १ बजे पक्राउ परेकी नेकपा प्रचण्ड– नेपाल समूहकी नेतृ झाँक्रीलाई प्रहरीले साँझ रिहा गरेको हो ।
महानगरीय अपराध महाशाखाका प्रमुख एसएसपी दीपक थापाका अनुसार रामकुमारी झाँक्रीलाई उनका श्रीमानको जिम्मामा रिहा गरिएको हो ।
उनलाई शंखमुलस्थित निवासबाट पक्राउ गरी मिनभवनस्थित महाशाखाको कार्यालयमा राखिएको थियो ।
राष्ट्रपतिबारे अभिव्यक्ति दिएकी रामकुमारीलाई प्रहरीले राज्यविरुद्धको कसूरको अभियोगमा अनुसन्धान गर्न जरुरी पक्राउ पूर्जी थमाएर बिहीबार दिउँसो पक्राउ गरेको थियो ।
झाँक्रीको गिरफ्तारी गैह्रसंवैधानि भएको भन्दै दिनभर सामाजिक सञ्जालहरुमा उनको रिहाइको माग भएका थिए ।
वि.सं.२०७७ माघ २९ बिहीवार १८:५२ मा प्रकाशित
