हामी सबैकाे संसारन्यूज

२ फागुन, काठमाडौं । पूर्वसचिव रामेश्वर खनालले सचिवहरुको सरुवालाई लिएर असन्तुष्टि जनाएका छन् ।

उनले सचिवको पद निश्चित कार्यकालको लागि तोकिएको हुन्छ भन्दै उनले ‘एक कार्यकाल एउटै मन्त्रालयमा पूरा गर्न नदिई सचिव सरुवा गर्नु भनेको सरकारले आफैं अस्थिरता भित्र्याउनु हो’ भनेका छन् ।

सामाजिक सञ्जाल टिव्टरमार्फत उनले भनेका छन् -‘निश्चित कार्यकाल तोकेको पद हो सचिवको। एक कार्यकाल एउटै मन्त्रालयमा पूरा गर्न नदिई सचिव सरुवा गर्नु भनेको सरकारले आफैं अस्थिरता भित्र्याउनु हो। सचिवको कार्य सम्पादन ठिक छैन, आर्थिक अपचलन गरेको छ भने निसे ऐन बमोजिम बर्खास्तै गर्नु पर्छ। सचिव सरूवा ठिक होइन।’

केही पहिले अघि उनले टिव्टरमै काम गर्ने सचिवलाई सरकारले काम गर्ने वातावरण नबनाउने गरेको जनाएका थिए । काम गर्नी सचिव देख्यो कि सरूवा गरेर मिल्काइहाल्नी भन्दै कसरी सफल हुन खोज्या होला, सरकार ? भनेर प्रश्न समेत गरेका थिए।