हामी सबैकाे संसारन्यूज

२ फागुन, काठमाडौं । नेपाली कांग्रेसले भोली (फागुन ३ गते) ७७ वटै जिल्लामा विरोध प्रदर्शन गर्ने भएको छ ।

प्रधानमन्त्री केपी शर्मा ओलीले पुस ५ गते प्रतिनिधिसभाको विघटन गरेसँगै त्यसलाई गैरसंबैधानिक र अलोकतान्त्रिक कदम भन्दै निरन्तर आन्दोलनका कार्यक्रम गर्दै आएको कांग्रेसको भोलीको प्रदर्शनलाई सफल बनाउनका लागि विरोध प्रदर्शनमा सहभागी भइ ऐक्यबद्धता प्रकट गर्न सभापति शेर बहादुर देउवाले अपिल गरेका छन् ।

संसद विघटन विरुद्धको प्रदर्शनमा ऐक्यबद्धता प्रकट गर्न अपिल गर्दै सभापति देउवाले भनेका छन्, ‘संविधानमा भएको ब्यवस्था प्रतिकुल, जनभावना विपरीतको कार्य विरुद्ध नेपाली कांग्रेस एकमतका साथ आन्दोलनमा छ । पार्टीको सबै तहका साथीहरूसंगै समस्त लोकतन्त्रवादीमा भोलिको विरोध प्रदर्शनमा व्यापक सहभागी भएर असंवैधानिक र अलोकतान्त्रिक कदमका विरुद्ध एक्यवद्धता प्रकट गर्न अपील गर्दछु ।’