हामी सबैकाे संसारन्यूज

फागुन ३, काठमाडौं । अदालतको अवहेलना मुद्दामा चार पूर्वप्रधानन्यायाधीशरुले सर्वोच्च अदालतलाई लिखित जवाफ पेश गरेका छन् । सोमबार अदालतमा स्वंय उपस्थित भएर उनीहरुले लिखित जवाफ पेश गरेका हुन् ।

अदालतलाई पूर्वप्रधानन्यायाधी अनुपराज शर्माले छुट्टै जवाफ बुझाएका छन् भने अन्य तीन पूर्वप्रधानन्यायाधीश मिनबहादुर रायमाझी, कल्याण श्रेष्ठ र सुशीला कार्कीले संयुक्त जवाफ बुझाएका छन् ।

जवाफमा न्यायाधीशहरुले प्रतिनिधिसभा विघटनको मुद्दामा सार्वजनिक चाँसो र सरोकारको विषय रहेको भन्दै उक्त विषयमा नागरिकले आफ्नो भनाईहरु राख्नु विधिशास्त्रिय हिसाबले स्वीकार्य भएको दाबी गरेका छन् । जवाफमा न्यायाधीशहरुले विघटनलाई वैद्य भन्दा अदालतको सम्मान र अवैद्य भन्दा अदालतको अपहेलना भनि ठान्नु आफैंमा द्धैद्य शैली भएको पनि बताएका छन् ।

गत पुस २४ मा चार पूर्वप्रधानन्यायाधीशहरुले संयुक्त रुपमा विज्ञप्ती निकाल्दै प्रधानमन्त्रीले संविधानको गलत व्याख्या गरी प्रतिनिधिसभा विघटन गरेको बताएका थिए ।

प्रतिनिधिसभा विघटन असंवैधानिक भन्दै संयुक्त वक्तव्य जारी गरेपछि उनीहरुविरुद्ध अदालतको अवहेलनाको मुद्दा परेको थियो । त्यसको प्रारम्भिक सुनुवाइ गर्दै १५ माघमा न्यायाधीश मनोज शर्माको एकल इजलासले ७ दिनभित्र आफैं उपस्थित भएर लिखित जवाफ पेश गर्न आदेश दिएको थियो ।

जुन आदेशअनुसार नै सोमबार चार पूर्वप्रधानन्यायाधीश अदालतमा उपस्थित भएका जवाफ बुझाएका हुन् ।

यस्तो छ पूर्वप्रधानन्यायाधीश अनुपराज शर्माले बुझाएको जवाफ

यस्तो छ पूर्वप्रधानन्यायाधीशहरु रायमाझी, श्रेष्ठ र कार्कीले बुझाएको संयुक्त जवाफ

सम्बन्धित समाचार

अपहेलना मुद्दा : लिखित जवाफ लिएर सर्वोच्च अदातल पुगे चार पूर्वप्रधानन्यायाधीश