हामी सबैकाे संसारन्यूज

फागुन ३, काठमाडौं । नेपाल रेलवे कम्पनीका महाप्रबन्धक गुरु भट्टराईले महोत्तरीका अनिलकुमार पासवानलाई ज्यान मार्ने धम्की दिएको अडियो अहिले भाइरल छ । अडियोमा भट्टराईले पासवानलाई एक घण्टाभित्र अपहरण गरि सिध्याउन सक्ने बताएका छन् ।

अडियोमा रक्सिले मातिएको स्थितिमा भट्टराईले पासवानसँग कुरा गरेको देखिन्छ । निकै अपशब्दयुक्त कुराकानीमा भट्टराईले आफुँलाई प्रधानमन्त्री केपी शर्मा ओलीको छोरा भएको भन्दै जसलाई पनि कारबाही गर्न सक्ने बताएका छन् ।

दुईबीचको कुराकानी आर्थिक लेनदेन प्रकृतिको छ । करिब ११ मिनेट लामो कुराकानीमा दुवैले अपशब्दपूर्णं र धम्कीपूर्णं भाषाको प्रयोग गरेका छन् ।

अडियो स्वीकार गर्दै भट्टराईले भने –मिसन डिरेल गर्न खोज्नेलाई कारबाही गरिन्छ

रेल्वे कम्पनीका महाप्रबन्धक गुरु भट्टराईले सार्वजनिक विवादास्पद अडियो आफ्नो भएको स्वीकार गरेका छन् । सामाजिक सञ्जालमार्फत भाईरल अडियोबारे बोल्दै उनले आफैंले धम्की दिएको व्यक्तिलाई आफुँले कानूनी कारबाही गर्ने बताएका छन् । काटमार गर्ने धम्की दिएपछि आफुँले गलत शैलीमा कुराकानी गरेको उनको भनाई छ ।

‘खुलेआम काटमार गर्छु भनेपछी प्रतिकृयामा आएका केही शैलीगत समस्यामा क्षमा चाहन्छु । तर म पनि मान्छे हो र मानवसंबेदना नै क्रस गरेपछी संयमता गुम्ने गर्छ । पटक पटक बिना कारण धम्क्याउने र ज्यान मार्ने धम्कि दिनेलाइ कानुनी कारबाही प्रकृया अघि बढाउँदै छु ।’, सामाजिक सञ्जालमा उनले भनेका छन् ।

उनले त्रास र धम्की दिनेको प्रतिवाद गर्ने पनि चेतावनी दिएका छन् । उनले अघि भनेका छन्, ‘त्रास र धम्कि देखाएर राष्ट्रको बर्तमान मिसन डिरेल गर्न सकिन्छ भनेर लागेका केही गिरोहको कडा रुपमा प्रतिबाद हुन्छ । बिरोध गर्ने बिषय नपाएपछी अनेक खालका षडयन्त्र गर्न झ्यासहरु लाग्दैमा मैदान छोडिदैन स निश्चिन्त भए हुन्छ ।’

यस्ताे छ भाइरल अडियाे

https://www.youtube.com/watch?v=BYp5-KC8CHc