हामी सबैकाे संसारन्यूज

३ फागुन, काठमाडौं । वेवारिसे शबको व्यवस्थापन गर्दै आएकी सपना रोका मगरलाई म्याग्दी प्रवासी नेपाली संघ (मोना) युकेले सम्मान तथा सहयोग गरेको छ ।

बीबीसीको साहसिक महिलामा पर्न सफल भएकी रोका मगरलाई शनिबार राजधानीमा आयोजित एक कार्यक्रमका बीच मोनाले सम्मान तथा ६ लाख रुपैयाँ आर्थिक सहयोग गरेको हो ।

सोहि कार्यक्रममा मोनाले म्याग्दीका बाढीपहिरो पीडितका लागि समेत ७ लाख रुपैयाँ आर्थिक सहयोग गरेको बताइएको छ ।

नेपालमा रहेका मोना युकेका सदस्य रिटायर्ड क्याप्टेन जित बहादुर घर्तीबाट उक्त रकम हस्तान्तरण गरिएको बताइएको छ ।

उक्त रकम सपनाले संचालन गरेको संस्था समृद्द नेपाल’ का लागि सहयोग गरेको बताइएको छ ।