हामी सबैकाे संसारन्यूज

४ फागुन, काठमाडौँ । सामाजिक सञ्जाल चलाउनेहरुका लागि प्रहरी प्रधान कार्यालय साईबर व्यूरो काठमाडौँले विशेष अनुरोध गर्दै सूचना जारी गरेको छ ।

विभिन्न समयमा व्यक्तिहरूको ल्याण्डलाईन, मोबाईल फोन नम्बरहरुमा Unknown, Private  वा कुनै पनि नम्बर Display नहुने तथा सामाजिक सञ्जाल फेसबुकमा फेक अकाउन्ट बनाई मेसेन्जरबाट कल गरेर ‘म साईबर क्राईम डिपार्टमेन्ट’ बाट प्रहरी बोलेको हो, तपाईको फेसबुक ह्याक भएको छ, अश्लिल फोटो, भिडियोहरु सामाजिक सञ्जालमा भाईरल भैरहेको छ, हामीले एक पटकको लागि त्यसो हुनबाट रोकिदिएका छौं, तर Verification  को लागि तपाइले आफ्नो Nude Photo, Video पठाउनु होस भनेर ई-मेल, सामाजिक सञ्जाल, फेसबुकको मेसेन्जरमा पठाउन लगाउने तत्पश्चात् उक्त ई–मेल, फेसबुकको आई डी, मेसेन्जरDe-Activate गर्ने गरेको भन्ने सूचना एवं उजुरीहरु पछिल्ला समयमा बढ्दै गईरहेको प्रति यस ब्यूरोको ध्यानाकर्षण भएको भन्दै यस्तो सूचना जारी गरेको हो ।

ब्यूरोले आफ्ना व्यक्तिगत कुनैपनि विवरणहरू उपलब्ध नगराउन अनुरोध गरेको छ ।

ब्यूरोले प्रविधिको दुरुपयोग गरी गरिएका गैर जिम्मेवारी तथा ऐन कानुन विपरीत कार्य प्रति सजग भई, त्यसरी झुक्यानमा पार्ने खालका क्रियाकलापहरूबाट सचेत रहन, आफ्ना व्यक्तिगत कुनैपनि विवरणहरू उपलब्ध नगराउन साथै त्यस्ता कार्यहरू भए गरेको पाईएमा तत्काल आफ्नो अभिभावक, नजिकको प्रहरी कार्यालय वा प्रहरी प्रधान कार्यालय, साईबर ब्यूरोको टेलिफोन नं. ०१९ ४२१९०४४, ४२१९०४८, मोबाईल नं. ९८५१२८६७७० वा ई-मेल ठेगाना  cyberbureau@nepalpolice.gov.np  मा सूचना वा जानकारी दिन हुन पनि अनुरोध गरिएको छ ।