Sansar News
४ फागुन, काठमाडौं । काठमाडौंमा बेवारिसे शव जलाउने काम गर्दै आएका विनयजंग बस्नेत पक्राउ परेका छन् । विश्वको १०० प्रभावशाली महिलाको सूचीमा परेकी सपना रोका मगरलाई धम्की दिने बस्नेत काठमाडौंको गोंगबुबाट पक्राउ परेका हुन् ।
सपनाले आफूमाथि अभद्र व्यवहार गरेको भन्दै बस्नेतविरुद्ध आइतबार काठमाडौं प्रहरी परिसरमा जाहेरी दिएको आधारमा प्रहरीले बस्नेतलाई पक्राउ गरेकाे हाे ।
काठमाडौंमा बेवारिसे शव जलाउने बस्नेत र सपनाले एकअर्कालाई बाबु–छोरीका रुपमा चिनाउँदै आएका थिए । तर पछिल्ला दिनमा भने उनीहरुको सम्बन्ध बिग्रिएको थियो ।
वि.सं.२०७७ फागुन ४ मंगलवार १९:१८ मा प्रकाशित
