Sansar News
६ फागुन, काठमाडौं । छुट्टाछुट्टै स्थानमा भिरबाट लडेर दुई जनाको मृत्यु भएको छ ।
सल्यान, शारदा नगरपालिका–६ कौछे बस्ने ६४ वर्षीय तोली बुढाथोकीको सोही ठाउँस्थित भालुखोलाको भिरबाट लडेर बुधबार घटनास्थलमै मृत्यु भएको छ ।
डोटी, दिपायल सिलगढी नगरपालिका–९ कलेना बस्ने नारद दमाईको ११ वर्षीय छोरा जगते दमाई घर नजिकै रहेको मसन्थला भिरबाट लडेर बुधबार मृत्यु भएको छ । भीरबाट लडेर गम्भीर घाइते भएका जगतेको जिल्ला अस्पताल डोटी हुँदै थप उपचारको लागि सेती प्रादेशिक अस्पताल धनगढीतर्फ रिफर गरेकोमा उपचारको क्रममा मृत्यु भएको हो ।
यस सम्बन्धमा स्थानीय प्रहरीले आवश्यक अनुसन्धान गरिरहेको जानकारी दिएको छ ।
वि.सं.२०७७ फागुन ६ बिहीवार १३:२० मा प्रकाशित
