हामी सबैकाे संसारन्यूज

१० फागुन, काठमाडौँ । न्यूजिल्याण्ड र अष्ट्रेलिया बिच ओवलमा भएको पहिलो टि-२० मा न्यूजिल्याण्ड ५३ रनले विजयी भएको छ ।

टस हारेर पहिलो ब्याटिङ्ग गरेको न्यूजिल्याण्डले २० ओभरमा ५ विकेट गुमाएर १८४ रन बनाएको थियो । न्यूजिल्याण्डका लागि ब्याटिङ्गमा डेभव कोन्वेले सर्वाधिक ९९ रन बनाएका थिए भने अष्ट्रेलियाका लागि बलिङ्गमा नियल श्याम्स र जे रिचार्डसनले सर्वाधिक २/२ विकेट लिएका थिए ।

१८५ रनको विशाल लक्ष्य पछाएको अष्ट्रेलियाले पुरै २० ओभर पनि खेल्न सकेन । अष्ट्रेलियाको टिम १७.३ ओभरमा १३१ रन बनाएर अलआउट भएको थियो । अष्ट्रेलियाका लागि मिचल मार्शले सर्वाधिक ४५ रनको पारी खेलेका थिए भने न्यूजिल्याण्डका लागि ईश सोधीले उत्कृष्ट बलिङ्ग गदैँ ४ ओभरमा २८ रन खर्चेर ४ विकेट लिएक थिए ।

जितसँगै न्यूजिल्याण्डले ५ खेलको टि-२० श्रृखलामा १-० ले अग्रता लिएको छ ।