हामी सबैकाे संसारन्यूज

फागुन १०, काठमाडौं । प्रधानन्यायाधीश चोलेन्द्र शमशेर जबरा र प्रधानसेनापति पूर्णचन्द्र थापाबीच सोमबार आकस्मिक भेटवार्ता भएको छ । जबराको निम्तोमा थापा सोमबार दिउसो १ बजे सर्वोच्च अदालत पुगेका थिए ।

अदालत स्रोतले बताएअनुसार राणा र थापाबीच झण्डै एक घण्टा छलफल चलेको थियो । दुइबीच के विषयमा कुराकानी भयो भन्ने भने स्पष्ट जानकारी हुन सकेको छैन् ।

नेपाली सेनाले भने भेटवार्ता जग्गा हस्तान्तरणसँग मात्रै सम्बन्धित भएको दाबी गरेको छ । नेपाली सेनाका प्रवक्ता सन्तोष बल्लव पौडेलले सर्वोच्च अदालतले प्रस्ताव गरेअनुसार नेपाली सेनाको घोडचढी यूनिटले प्रयोग गर्ने जग्गाको विषयमा छलफल भएको हो ।

उनका अनुसार सर्वोच्च अदालतसँगै जोडिएको नेपाली सेनाको ३७ रोपनी जग्गामध्ये सर्वोच्चले ९ रोपनी जग्गा प्रयोगको लागि प्रस्ताव गरेको छ । जुन जग्गा अहिले नेपाली सेनाको गोडचढी यूनिटले प्रयोग गर्ने गरेको छ ।

तथापी चुलिँदो राजनीतिक संकट र निकट समयमै प्रतिनिधि सभा विघटनबारे सर्वोच्च अदालतले गर्न लागेको फैसलाका बीच गरिएको यस भेटघाटलाई अर्थपूर्णं रुपमा लिइएको छ ।