Sansar News
फागुन ११, काठमाडौं । राष्ट्रिय सुरक्षा परिषदको बैठक सम्पन्न भएको छ ।
प्रधानमन्त्री केपी शर्मा ओलीको अध्यक्षतामा बसेको बैठकमा पछिल्लो सुरक्षा व्यवस्था, निर्वाचन सुरक्षालगायत विषयमा छलफल भएको जनाइएको छ ।
प्रधानमन्त्री निवास बालुवाटारमा बसेको बैठकमा गृहमन्त्री रामबहादुर थापा ‘बादल’, अर्थमन्त्री विष्णुप्रसाद पौडेल, मुख्यसचिव शंकरदास वैरागी र प्रधानसेनापति पूर्णंचन्द्र थापाको सहभागिता रहेको जनाइएको छ ।
नेपालको समग्र राष्ट्रिय हित, सुरक्षा र प्रतिरक्षासम्बन्धी नीति तर्जुुमा गर्न तथा सेनाको परिचालन र नियन्त्रण गर्नका लागि सरकारलाई सिफारिश गर्न प्रधानमन्त्रीका अध्यक्षतामा रक्षा, गृह, परराष्ट्र र अर्थमन्त्री तथा मुुख्य सचिव र प्रधानसेनापति परिषद्को सदस्य रहने संवैधानिक व्यवस्था छ ।
वि.सं.२०७७ फागुन ११ मंगलवार १५:२० मा प्रकाशित
